తిరుమల తిరుపతి దేవస్థానం నూతన ఈఓగా సీనియర్  ఐఏయస్ అధికారి డా​క్టర్‌ జవహర్‌ రెడ్డి శనివారం భాద్యతలు చేపట్టారు. ఉదయం అలిపిరి నుంచి నడకదారిలో తిరుమలకి చేరుకున్న ఆయన స్వామివారికి తలనీలాలు సమర్పించి.. అనంతరం వరహా నరసింహస్వామిని దర్శించుకని తర్వాత స్వామివారిని దర్శించుకున్నారు.  12 గంటలకు శ్రీవారి ఆలయంలోని రంగనాయకుల మండపంలో అదనపు ఈఓ ధర్మారెడ్డి నుంచి పదవీబాధ్యతలు తీసుకున్నారు.  జవహర్ రెడ్డి భాద్యతలు చేపట్టాకా మరోసారి స్వామివారిని దర్శించుకున్నారు. అనంతరం ఆలయ అర్చకులు టిటిడి నూతన ఈఓకి ఆశీర్వాదాలు అందించి తీర్ధప్రసాదాలు ఇచ్చారు. టీటీడీ 27వ ఈఓగా జవహర్ రెడ్డి భాద్యతలు చేపట్టారు. ఈ సందర్భంగా టీటీడీ ప్రత్యేక ఏర్పాట్లు చేసింది. కుటుంబ సమేతంగా ఆయన స్వామివారిని దర్శించుకున్నారు. తరువాత టిటిడిలోని వివిధ విభాగాల అధికారులు ఈఓని మర్యాదపూర్వకంగా కలిశారు.