రాష్ట్రంలో కరోనావైరస్ భారిన పడి మృతి చెందిన జర్నలిస్టుల కుటుంబాలకు ముఖ్యమంత్రి వై.ఎస్.జగన్ మోహన్ రెడ్డి రూ. 5లక్షలు ఆర్థిక సహాయం చెల్లించడానికి నిర్ణయించడం అభినందనీయమని జాతీయ జర్నలిస్టుల సంఘం కార్యదర్శి, విజెఎఫ్ అధ్యక్షులు గంట్ల శ్రీనుబాబు అన్నారు. మంగళవారం విశాఖలో మీడియాతో మాట్లాడుతూ, జర్నలిస్టులను కూడా “ఫ్రంట్ లైన్ వారియర్స్”గా గుర్తించడం శుభ సూచికమన్నారు. ఈ సందర్భంగా థాంక్యూ సీఎం సర్ అంటూ తమ హర్షాన్ని వ్యక్తం చేశారు. కరోనా సమయంలో జర్నలిస్టులు ప్రాణాలకు తెగించి ప్రజలకు, ప్రభుత్వానికి మధ్య వారధిగా నిలిచారన్నారు. ఎన్నో ఆందోళనలు తరువాత ప్రభుత్వం జర్నలిస్టులు కరోనా మ్రుతిచెందితే రూ.5లక్షలు ఇవ్వడానికి ఒప్పుకుందని అన్నారు. ఈ భరోసా జర్నిస్టులకు కాస్త స్వాంతన నిస్తుందన్నారు. ఇప్పటి వరకూ ప్రాణాలు అరచేతిలో పెట్టుకొని విధినిర్వహణ చేసిన జర్నలిస్టులకు సీఎం వైఎస్ జగన్ ప్రకటన ఎంతో దైర్యాన్ని ఇస్తుందన్నారు. ఇప్పటి వరకూ రాష్ట్రంలో మ్రుతిచెందిన జర్నలిస్టులకు సత్వరమే ప్రకటించిన మొత్తాన్ని అందజేయాలని ఈ సందర్భంగా గంట్లశ్రీనుబాబు ప్రభుత్వాన్ని కోరారు.