ఆంధ్రప్రదేశ్‌ ప్రభుత్వం ప్రతిష్టాత్మకంగా అమలు చేస్తున్న వైఎస్‌ఆర్‌ ఆరోగ్యశ్రీ పథకం కింద నెట్‌ వర్క్‌ ఆస్పత్రులకు రూ. 148.37 కోట్ల రూపాయల నిధులు విడుదల చేసింది. ఈ విషయాన్ని రాజ్యసభ సభ్యులు వి.విజయసాయిరెడ్డి సోషల్ మీడియా మాద్యమం ద్వారా తెలియజేశారు. ఇక ప్రభుత్వ ఉద్యోగులకు హెల్త్‌ స్కీం కింద రూ. 31.97 కోట్లు విడుదల చేసినట్టు కూడా ప్రకటించారు. రాష్ట్ర ప్రజల ఆరోగ్యం పట్ల ముఖ్యమంత్రి జగన్ గారికి ఉన్న నిబద్ధతకు ఇది నిదర్శనమన్న విజయసాయిరెడ్డి ప్రజలు నిత్యం చూసే సోషల్ మీడియా ద్వారానే కీలకమైన అంశాలు తెలియజేయడం విశేషం. ప్రభుత్వ సంక్షేమ కార్యక్రమాలతోపాటు, ప్రత్యర్ధులపై సెటైర్లు కూడా ట్విట్టర్, ఇన్స్టాగ్రామ్ ద్వారా కూడా తెలియజేస్తున్నారు. ప్రతీరోజూ రాజ్యసభ సభ్యులు ఏవిధమైన కామెంట్ చేస్తారో చూడటానికి పార్టీ సభ్యులతోపాటు, ఎల్లో అధికార పార్టీపై వార్తలు వ్యతిరేక మీడియా కూడా వేచి చూస్తుండటం విశేషం..