తిరుమల శ్రీ వేంకటేశ్వరస్వామిని దర్శించుకునేందుకు వీలుగా టిటిటి ప్రత్యేక ప్రవేశ దర్శనం టిక్కెట్లను రేపు ఉదయం విడుదల చేయనుంది.  భక్తుల సౌకర్యార్థం నవంబరు నెలకు సంబంధించిన రూ.300/- ప్రత్యేక ప్రవేశ దర్శన టికెట్ల కోటాను అక్టోబ‌రు 27న మంగళవారం ఉద‌యం 11.00 గంట‌ల‌కు టిటిడి ఆన్‌లైన్‌లో విడుదల చేయడానికి అన్ని ఏర్పాట్లు పూర్తిచేసినట్టు టిటిడి ప్రకటించింది.  భక్తులు ఈ విషయాన్ని దృష్టిలో ఉంచుకుని ఆన్‌లైన్‌లో ముందస్తుగా రూ.300/- ప్రత్యేక ప్రవేశ దర్శన టికెట్లను బుక్‌ చేసుకోవాలని టిటిడి కోరుతోంది. కోవిడ్ ను ద్రుష్టిలో ఉంచుకొని ఈ ఏర్పాట్లు చేసినట్టు టిటిడి అధికారులు తెలియజేశారు. అంతేకాకుండా టైమ్ స్లాట్ దర్శనాలు కూడా ప్రారంభించనున్నట్టు చెప్పిన అధికారులు అత్యధిక మందికి శ్రీవారి దర్శనాలను దగ్గర చేయాలన్నదే టిటిడి లక్ష్యమని పేర్కంది. స్వామివారి దర్శనాల కోసం భక్తులు ఆన్ లైన్ లో టిక్కెట్లు బుక్ చేసుకోవాలని సూచించింది.