గాజువాకలోని శ్రీనగర్‌ సుందరయ్య కాలనీలో ఇంటర్‌ విద్యార్థిని వరలక్ష్మిని పక్కా పథకం ప్రకారమే హత్య చేసినట్లుగా భావిస్తున్నట్లు విశాఖ నగర పోలీస్‌ కమిషనర్‌ మనీష్ కుమార్‌ సిన్హా తెలిపారు. ఆదివారం గాజువాక శ్రీనగర్‌లోని వరలక్ష్మి ఇంటికి స్వయంగా వెళ్లిన సీపీ కుటుంబసభ్యుల వివరాలు సేకరించారు. అనంతరం మీడియాతో మాట్లాడుతూ.. వరలక్ష్మి హత్య చాలా బాధాకరకరమని, నిందితుడు తండ్రి ఇచ్చిన సమాచారంతో సంఘటన ప్రాంతానికి వెళ్లామన్నారు. అయితే అప్పటికే చాలా రక్తం పోవడంతో ఆసుపత్రికి తీసుకెళ్లిన కాసేపటికే వరలక్ష్మి మృతి చెందిందని సిపి వివరించారు. కాగా ఈ హత్య కేసులో నిందితులను ఇప్పటికే అరెస్టు చేశామన్న సీపి ఈ కేసును దిశా ఏసీపీకి అప్పగించామని.. వారం రోజుల్లో చార్జీ షీట్ వేస్తాంమని సిని వివరించారు. ఇలాంటి సంఘటనలు పురరావ్రుతం కాకుండా విద్యార్ధినిలు జాగ్రత్తగా ఉండాలని, కళాశాలలకు వెళ్లే ప్రతీ విద్యార్ధిని తమ మొబైల్ ఫోన్ లో దిశ యాప్ డౌన్ లోడ్ చేసుకోవాలన్నారు. అత్యవసర పరిస్థితుల్లో పోలీసులకు యాప్ ద్వారా సమాచారం అందిస్తే, స్పందించి రక్షించడానికి అవకాశం వుంటుందన్నారు..