ఒడిశా‌కు చెందిన శివం కాండెవ్ ప్రైవేట్ లిమిటెడ్ సంస్థ ప్ర‌తినిధి తిరుప‌తికి చెందిన వై.రాఘ‌వేంద్ర ఆదివారం శ్రీ వేంక‌టేశ్వ‌ర భ‌క్తి ఛాన‌ల్ ట్ర‌స్టుకు రూ.10 ల‌క్ష‌లు విరాళంగా అందించారు. ఈ మేర‌కు ఈ విరాళం డిడిని శ్రీ‌వారి ఆల‌యం ఎదుట విశాఖ శార‌ద పీఠాధిప‌తి శ్రీ‌శ్రీ‌శ్రీ స్వ‌రూపానందేంద్ర‌స్వామి చేతుల‌మీదుగా టిటిడి అద‌న‌పు ఈవో  ఏ.వి.ధ‌ర్మారెడ్డికి అందచేశారు. ఈ సందర్భంగా దాత మాట్లాడుతూ, శ్రీవారి కార్యక్రమాలు అన్ని ప్రధాన భాషల్లో ప్రసారం చేయడానికి టిటిడి అధికారులు చర్యలు తీసుకోవాలన్నారు. జాతీయ భాషల్లో స్వామివారి కార్యక్రమాలు ప్రసారం చేయడం వలన దేశవ్యాప్తంగా వున్న భక్తులకు స్వామి కార్యక్రమాలు చేరుతాయన్నారు. తద్వారా స్వామిని చూడటానికి భక్తులు మరింతగా వచ్చే అశకాశాలు కలుగుతాయన్నారు. విశాఖ శార‌ద పీఠాధిప‌తి శ్రీ‌శ్రీ‌శ్రీ స్వ‌రూపానందేంద్ర‌స్వామి ద్వారా స్వామికి విరాళం అందించడం చాలా ఆనందంగా వుందని అన్నారు.