ఆంధ్రప్రదేశ్ లో గ్రామ, వార్డు సచివాలయ ఉద్యోగులు సరికొత్త లుక్ లో కనిపంచనున్నారు. అంటే అదే హీరో, హీరోయిన్ అనుకునేరు...అదే కాదండీ వారంతా సచివాలయ ఉద్యోగులే అని ప్రజలు సులువుగా గుర్తించేందుకు ప్రభుత్వం వారికి ప్రత్యేకంగా ఒక కలర్ డ్రెస్ ను సిద్దం చేసింది. వాటిని త్వరలోనే రాష్ట్రంలోని అన్ని సచివాలయాలకు పంపనుంది.. సచివాలయాల ఏర్పాటుతో ఉద్యోగుల సంఖ్య ఒక్కసారిగా ఒక్షా 30వేలకు పెరిగిపోయింది. పని దినాల్లో పట్టణ ప్రాంతాల్లో సచివాలయాల సిబ్బంది రాకపోకలు ఎక్కువగా కనిపిస్తుంటాయి. సచివాలయాల్లో పనిచేసే వారిలో ఎక్కువ శాతం యువతే ఉన్నారు. ప్రజలతో నిత్యం సత్సంబంధాలు కలిగి ఉంటున్నారు. ఈ నేపథ్యంలో సచివాలయాల్లో పనిచేసేవారు ప్రత్యేకంగా కనిపించాలన్న ఆలోచనను ప్రభుత్వం చేస్తోంది. అందుకుగాను వారికి కూడా డ్రస్‌ కోడ్‌ అమలు చేసేందుకు సన్నద్ధమవుతోంది. పైలెట్‌ సచివాలయాల కింద కొన్నింటిని గుర్తించి ముందుగా అక్కడి సిబ్బందికి డ్రస్‌ కోడ్‌ అమలు చేయాలని నిర్ణయించింది.