కోవిడ్‌– 19 నివారణలో భాగంగా సహాయ చర్యల కోసం ముఖ్యమంత్రి సహాయనిధికి కేసిపి లిమిటెడ్‌ తరపున కోటి రూపాయలు విరాళం అందించింది. ఆ విరాళానికి సంబంధించిన చెక్కును ముఖ్యమంత్రి  క్యాంపు కార్యాలయంలో సీఎం వైయస్‌ జగన్‌ మోహన్ రెడ్డి కి అందజేశారు. ఈ సందర్భంగా కెసిసి నిర్వహాహకులు మాట్లాడుతూ, కరోనా లాంటి విపత్కర సమయంలో ఏపీ ప్రభుత్వం తీసుకుంటున్న చర్యలు కారణంగా వైరస్ నియంత్రణ జరుగుతోందన్నారు. తమవంతుగా ఇచ్చిన సహాయాన్ని కూడా కోవిడ్ నియంత్రణకు వినియోగించాలని ఈ సందర్భంగా  కేసిపి లిమిటెడ్‌ వైస్‌ ప్రెసిడెంట్‌ (ఆపరేషన్స్‌) వి.మధుసూదనరావు కోరారు. కార్యక్రమంలో మంత్రులు పెద్దిరెడ్డి రామచంద్రారెడ్డి , కొడాలి నాని, ఎమ్మెల్యే కైలే అనిల్‌ కుమార్‌  తదితరులు పాల్గొన్నారు.