బీజేపీ నేత, ఏపీ మాజీ మంత్రి పైడికొండల మాణిక్యాల రావు కరోనా వైరస్ కి గురై ఈ రోజు కన్నుమూశారు. ఆయన వయసు 60 సంవత్సరాలు. ఆయన నెల క్రితం కరోనా కారణంగా ఆసుపత్రిలో చేరి చికిత్స తీసుకుంటున్నారు. పరిస్థితి విషమించడంతో నెల రోజులుగా విజయవాడ ఆస్పత్రిలో చికిత్స పొందుతున్న ఆయన శనివారం మృతి చెందారు. చంద్రబాబు నాయుడు కేబినెట్‌లో బీజేపీ కోటాలో మంత్రి పదవిని దక్కించుకున్నారు. ఏపీ దేవాదాయ శాఖ మంత్రిగా 2014 నుంచి 2018 వరకూ ఆయన పనిచేశారు. కరోనాతో మాజీ మంత్రి మృతిచెందటం పట్ల విశాఖలోని యువజన విభాగం నాయకులు కొప్పల రామ్ కుమార్ సంతాపం వ్యక్తం చేశారు. కరోనా వైరస్ పట్ల ప్రతీఒక్కరూ అప్రమత్తంగా ఉండాలని ఈ సందర్భంగా ఆయన సూచించారు. వైరస్ తీవ్రతను ప్రతీ ఒక్కరూ గుర్తించాలన్నారు.