ఏపీ ప్రభుత్వం కోవిడ్ 19 నియంత్రణకు అన్ని దారులూ వెతుకుతూనే, సులభ పద్దతుల్లో ప్రజలకు కోవిడ్ పరీక్షలు చేయాలని నిర్ణయించింది. దీనికోసం విజయవాడ ప్రభుత్వ హాస్పిటల్ లో కరోనా టెస్టుల కోసం ప్రభుత్వం నూతనంగా ఏర్పాటు బ్యాటరీ వాహనాలు ఏర్పాటు చేసింది. వెనువెంటనే ఈ వాహనాల దగ్గర ఇద్దరిద్దరు చొప్పున రోగులకు పరీక్షలు నిర్వహిస్తున్నారు. పెద్దవాహనాలు దగ్గర ఒకేసారి పరీక్షలు చేయడానికి ఆలస్యం కావడంతో ప్రభుత్వం ఈ చర్యలు తీసుకుంది. ఈ చిన్న చిన్న వాహనాలు నేరుగా వార్డు దగ్గరకే వెళ్లి రోగులకు పరీక్షలు చేస్తున్నాయి. ఫలితాలను కూడా సాధ్యమైనంత త్వరగానే జిజిహెచ్ లోని ప్రధాన ల్యాబ్ నుంచి విడుదల చేస్తున్నారు.