ఎస్ సి,  ఎస్ టి ,  బిసి, మైనార్టీ సామాజిక వర్గాల్లో ఉన్న  45-60 సంవత్సరాల మధ్యగల  పేద మహిళలకు ఆర్ధికంగా అండగా నిలబడేందుకు  వై  ఎస్ ఆర్ చేయూత  కార్యక్రమాన్ని ప్రారంభిస్తున్నట్లు రాష్ట్ర ముఖ్యమంత్రి  వై ఎస్ జగన్ మోహన్ రెడ్డి  తెలిపారు. బుధవారం తాడేపల్లి లోని  సి.ఎం క్యాంపు కార్యాలయం  నుంచి  ఆయన అన్ని జిల్లాల కలెక్టర్లతో  వీడియో కాన్ప రెన్స్ నిర్వహించి, బటన్ నొక్కి  మొదటి విడత సహాయాన్ని లబ్దిదారుల ఖాతాల్లోకి జమ చేసారు.  ఈ పథకం ద్వారా ఎంపికైన మహిళకు ప్రతి ఏటా  రూ 18,750/- చొప్పున  నాలుగేళ్లలో రూ 75,000/- ఆర్ధిక సహాయం  చేయనున్నట్లు తెలిపారు. రాష్ట్రం మొత్తం లో దాదాపు 23లక్షల కుటుంబాలకు  లబ్దిచేకూరనున్నదని తెలిపారు. మహిళలకు అవసరమైన సాంకేతిక, మార్కెటింగ్ సహకారాలు అందించేలా  అమూల్, ఐటిసి, హిందూస్ధాన్   లీవర్, పి & జి లాంటి ప్రఖ్యాత కంపెనీలతో  ప్రభుత్వం అవగాహన ఒప్పందాలు కుదుర్చుకుందని తెలిపారు. తద్వారా  ఉత్పత్తుల  కొనుగోలు  తోడ్పాటు, శిక్షణ, వ్యాపార  సామర్ధ్యం మెరుగుదల లబిస్తుందని తెలిపారు. విశాఖపట్నం నుండి  జిల్లా కలెక్టర్  వి.వినయ్ చంద్ మాట్లాడుతూ  జిల్లాలో  194714 మంది లబ్దిదారులు  ఎంపికయ్యారని వీరికి నాలుగేళ్లలో రూ.1460 కోట్లు  ఇవ్వనున్నారని  తెలిపారు. జిల్లాలో  144476 మంది బిసి మహిళలు , 18739 మంది  ఎస్ సి మహిళలు ,  27210 మంది ఎస్ టి మహిళలు , 4289 మంది  మైనార్టీ మహిళలు ఈ పథకం కింద ఎంపికైనారని తెలిపారు. సచివాలయ వ్యవస్ధవలన  ఎం ఆర్ ఓ ఆఫీసు ల  చుట్టూ  తిరిగే  శ్రమ తప్పిందన్నారు.  ఇళ్ల పట్టాల  కార్యక్రమంలో కూడా   ఎంపిక అయ్యానని  తెలిపారు. ఈ కార్యక్రమంలో  జాయింట్ కలెక్టర్లు అరుణ్ బాబు,  గోవిందరావు,  జి.వి.ఎం .సి కమిషనరు  జి.సృజన,  డి ఆర్ డి ఎ పి డి విశ్వేశ్వరరావు, ఇతర అధికారులు పాల్గొన్నారు.