విశాఖ నగర వైఎస్సార్సీపీ అధ్యక్షులు సిహెచ్.వంశీ క్రిష్ణ శ్రీనివాస్ కరోనా వైరస్ ను జయించారు. 15 రోజుల క్రితం వంశీకి కరోనా పాజిటివ్ రావడంతో హోమ్ క్వారంటైన్ లోనే ఉంటూ కార్యకర్తలకు ఫోను ద్వారా అందుబాటులో ఉండేవారు. నేడు మరోసారి కరోనా టెస్టు చేయడంతో ఆయనకు కరోనా నెగిటివ్ వచ్చింది. దీంతో కరోనా వైరస్ నుంచి కోలుకున్నాని నిర్ధారించుకున్న తరువాత ఉదయం అయ్యప్పకు ప్రత్యేక పూజలు నిర్వహించారు. ఆ సింహాచల అప్పన్న, అమ్మలు గన్న అమ్మ కనమహాలక్ష్మి, తాను ఎంతో ఇష్టంగా పూజింగే షిర్డీ సాయినాధుడి దయతో కరోనా వైరస్ నుంచి పూర్తిగా కోలుకున్నానని వంశీ ప్రకటించారు. రేపటి నుంచి కార్యకర్తలకు, నాయకులకు పూర్తిస్థాయిలో అందుబాటులో ఉంటానని ఆయన మీడియాకి వివరించారు. కరోనా వైరస్ విషయంలో ఎవరూ ఆందోళన చెందాల్సిన పనిలేదని, బలవర్ధక ఆహారం తీసుకుంటూ, జాగ్రత్తలు పాటిస్తే కరోనా వైరస్ నుంచి తేలికగా కోలుకోవచ్చుననడానికి తానే ఒక ప్రధాన ఉదాహరణ అని చెప్పారు వంశీ...