ప్రజలకి ప్రభుత్వానికి మధ్య నిజమైన వారధిగా ఈఎన్ఎస్ లైవ్ యాప్ నిలవాలని శంఖవరం మహిళా పోలీసు అధికారిణి జిఎన్ఎస్ శిరీష అన్నారు. శుక్రవారం అన్నవరం సత్యదేవుని పాదాల చెంత ఈఎన్ఎస్ లైవ్ యాప్ ను ఆమె న్యూస్ అప్లోడ్ చేసి ప్రారంభించారు. ఈ సందర్భంగా ఆమె మీడియాతో మాట్లాడుతూ, ప్రజలకు ప్రభుత్వ సంక్షేమ పథకాలపై అవగాహన కలిగించేలా ఈఎన్ఎస్ లైవ్ ఉపయోగపడాలన్నారు. తాజావార్తలతోపాటు, వాస్తవాలను మాత్రమే ప్రజలకు అందించాలన్నారు. రేటింగ్ కోసం తప్పుడు కధనాలు ప్రచురించడం ద్వారా ప్రజలు గందర గోళానికి గురయ్యే అవకాశం వుందన్నారు. రాష్ట్రప్రభుత్వం ప్రతిష్టాత్మకంగా ప్రవేశపెట్టిన గ్రామసచివాలయ వ్యవస్థకు సంబంధించిన అన్ని కార్యక్రమాలను కవర్ చేయడం ద్వారా ప్రజలకు మంచి సమాచారం చేరేందుకు వీలుగా వుంటుందన్నారు. తద్వారా ప్రజల ఏఏ సంక్షేమ పథకాలు ప్రభుత్వం ప్రవేశ పెట్టింది, దానికి ఎవరు అర్హులు, ఎవరు కాదు అనే విషయాలు తెలుసుకోవడానికి వీలుంటుందన్నారు. ఈఎన్ఎస్ లైవ్ యాప్ అనతి కాలంలోనే కేంద్ర, రాష్ట్ర ప్రభుత్వాలు, అన్నివర్గాల ప్రజల మన్ననలు పొందాలని శిరీష ఆకాంక్షించారు.