భారీ వర్షాల కారణంగా ప్రకాశం బ్యారేజ్ కి భారీగా వరద నీరు వచ్చి చేరుతోంది. దీనితో మొత్తం 70 గేట్లు అడుగు మేర ఎత్తి వరద నీరు సముద్రం లోనికి విడుదల చేస్తున్నారు అధికారులు. వరద నీటితో బ్యారేజ్ కి ఇన్ ఫ్లో లక్షా పదివేల క్యూసెక్కులు, ఔట్ ఫ్లో 91 వేల కుసెక్కులు గా ఉందని అధికారులు చెబుతున్నారు. ఈ పరిస్థితి మరో వారం రోజుల పాటు కొనసాగే అవకాశం వుందని వివరిస్తున్నారు. భారీగా వస్తున్న వరదనీటి ప్రవాహం కారరణంగా దిగువ ప్రాంత ప్రజలు అప్రమత్తంగా ఉండాలని అధికారుల హెచ్చరికలు జారీ చేశారు. క్రిష్ణాజిల్లా కలెక్టరేట్ లోప్రత్యేక కంట్రోల్ రూమ్ ఏర్పాటు చేసి అధికారులు పరిస్థితిని సమీక్షిస్తున్నారు. మరోవైపు లోతట్టు ప్రాంతాల ప్రజలను ఏ క్షణంలోనైనా సురక్షిత ప్రాంతాలకు తరలించే విధంగా రెవిన్యూ అధికార యంత్రాంగం ఏర్పాట్లు చేస్తోంది.