తిరుపతి నగరంలో కరోనా పాజిటివ్ కేసులు తగ్గుముఖం పట్టేందుకు నగరపాలక సంస్థ పరిధిలోని లాక్ డౌన్ పొడిగించే ఆగస్టు 31వ తేదీ వరకూ పొడిగిస్తున్నట్టు కమిషనర్ గిరీష చెప్పారు. ఆదివారం తన కార్యాలయంలో మీడియాతో మాట్లాడుతూ, ఈనెలఖరు వరకు కరోనా లాడ్ డౌన్  ఆంక్షలు ఉదయం 6 గంటల నుండి సాయంత్రం 5:00 గంటల వరకు నగరంలో లో అన్ని వ్యాపార లావాదేవీలకు అనుమతులు ఉంటాయి అన్నారు, నగరంలో ప్రతి ఒక్కరు సాయంత్రం  5:00 గంటల నుండి  అత్యవసరమైతే తప్ప బయట ఎవరు తిరగకూడదని తెలియజేశారు. ప్రజారోగ్యం ద్రుష్ట్యా ఈ చర్యలు తీసుకున్నామన్న ఆయన ఎవరైనా నిభంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. వ్యాపారస్తుల లైసెన్సులు రద్దు చేస్తామన్నారు. వ్యక్తిగత పరిశుభ్రత, సామాజిక దూరం, స్వీయ నియంత్రణ ప్రతి ఒక్కరూ పాటించాలన్నారు. లాక్ డౌన్ తీరును ప్రత్యేక బ్రుందాలు తనిఖీ చేస్తాయనే విషయాన్ని వ్యాపార సంస్థలు గుర్తుంచుకోవాలన్నారు. కరోనా వైరస్ నియంత్రణలో ప్రతీ ఒక్కరూ భాగస్వాములు కావాలన్నారు.