నటి, రాజకీయ నాయకురాలు మాధవీలతపై సైబర్ క్రైమ్ లో  కేసు నమోదైంది. సోషల్ మీడియాలో ఎప్పుడూ యాక్టివ్‌గా ఉండే మాధవీలత.. తన ఫేస్‌బుక్‌లో హిందువుల మనోభావాలు దెబ్బతినే విధంగా కామెంట్ పెట్టడంతో, వనస్థలిపురంకు చెందిన గోపీకృష్ణ అనే విద్యార్థి ఆమెపై పోలీసులకు పిర్యాదు చేశారు. దీంతో గోపీకృష్ణ పిర్యాదు స్వీకరించిన రాచకొండ సైబర్ క్రైమ్ పోలీసులు సోమవారం ఆమెపై 295-A సెక్షన్ కింద కేసు నమోదు చేశారు. మాదవీలత హిందువుల మనోభావాలను దెబ్బతీసే విధంగా చేసిన పోస్టులపై అటు నెటిజెన్లు కూడా తీవ్రంగా మండి పడుతున్నారు. చేసిన పోస్టులపై మాటల్లో చెప్పరాని విధంగా తిట్ల దండకాన్ని కూడా కామెంట్ల రూపంలో పోస్టు చేస్తున్నారు. ఇటీవల కాలంలో హిందులకు సంబంధించి కించపరిచే విధంగా చేస్తున్న పోస్టుల సంఖ్య సోషల్ మీడియాలో పెరుగుతూ రావడం ఆందోళన కలిగిస్తోంది..