తిరుమలలోని శ్రీ భూ వరాహస్వామివారి ఆలయంలో  శుక్రవారం వరాహ జయంతి కార్యక్రమం ఏకాంతంగా నిర్వహించారు.  ఉదయం కలశ స్థాపన, కలశ పూజ, పుణ్యహవచనం వేదపండితుల ఆధ్వర్యంలో చేశారు.   త‌రువాత పసుపు,హరిద్రోదకం కలిపిన నీళ్లతో  వేదోక్తంగా మూలవర్లకు అభిషేకం నిర్వహించారు. ఈ సందర్భంగా స్వామివారిని  అదనపు ఈ ఓ  ఏవి ధర్మారెడ్డి దంపతులు, సివిఎస్వో గోపీనాథ్ జెట్టి దంపతులు, ఆలయ డిప్యూటి ఈ ఓ  హరీంద్రనాథ్, పేష్కార్  జగన్మోహనా చార్య, అర్చక స్వాములు దర్శించుకొని ప్రత్యేక పూజలు చేశారు.. కోవిడ్ 19 వ్యాప్తి నివారణ చర్యల్లో భాగంగా శ్రీ వరాహ జయంతిని ప్రభుత్వ కరోనా నియంత్రణ చర్యలను పాటిస్తూ నిర్వహించారు.