జీవితంలో ఏదైనా మనసు నిండిన ఆనందం ఏదైనా వుందంటే అది నా పెళ్లిరోజు అన్న ఆశీర్వాదం తీసుకోవడమేనని ఎమ్మెల్యే ఆర్కే రోజ అన్నారు. శుక్రవారం వివాహ వార్షికోత్సవం సందర్భంగా జంటగా వెళ్లి సీఎం వైఎస్ జగన్మోహనరెడ్డి ఆశీర్వాదం తీసుకున్నారు. ఈ సందర్భంగా ఎమ్మెల్యే రోజా మాట్లాడుతూ, నాడు వైఎస్సార్ దగ్గర ఆత్మీయ ఆశీర్వాదం తీసుకున్నానని, తరువాత అన్న జగన్ దగ్గర అంతకంటే గొప్పదైన ఆశీర్వాదం తన పెళ్లిరోజున పొందానని నా జీవితంలో ఇది గుర్తుండిపోతుందని ఆనందం వ్యక్తం చేశారు. వైఎస్సార్సీపీ ప్రభుత్వంలో ప్రజలంతా శుభిక్షంగా ఉండాలనే లక్ష్యంతో సీఎం వైఎస్ జగన్ చేపడుతున్న జన రంజక పథకాలు ప్రజల గుండెలను తాకుతున్నాయని అన్నారు. ఇదే ఒరవడిని కొనసాగించి మహిళలను ఆర్దికంగా అభివ్రుద్ధి చేస్తారనే పూర్తి విశ్వాసం ఉందన్నారు. కుటుంబంలో మహిళ సంతోషంగా ఉంటేనే ఆ కుటుంబం మొత్తం ఆనందంగా వుంటుందన్నారు. అలాంటి మహిళల ఆర్దికావ్రుద్ధికి వైఎస్సార్ చేయూత పథకం ఎంతగానో దోహద పడుతుందని కొనియాడారు.