ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి మెగాస్టార్‌ చిరంజీవికి పుట్టినరోజు సందర్భంగా శుభాకాంక్షలు తెలిపారు. మరిన్ని సినిమాలతో తెలుగు సినిమా ఖ్యాతిని పెంచాలని ఆకాంక్షించారు. ఆ భగవంతుడు ఆయురారోగ్యాలతో చిరంజీవిని దీవించాలని మనస్ఫూర్తిగా కోరుకుంటున్నట్లు తెలిపారు. ఈ మేరకు సీఎం జగన్‌ శనివారం ట్వీట్‌ చేశారు. సీఎం వైఎస్ జగన్ చేసిన ట్వీట్ ని కార్యకర్తలు, నాయకులు వారి సోషల్ మీడియాలో షేర్ చేస్తూ తమ అభిమానాన్ని పంచుకున్నారు. కాగా తెలుగు రాష్ట్రాల్లో పలువురు ప్రముఖులు చిరంజీవికి జన్మదిన శుభాకాంక్షలు తెలియజేశారు. ముఖ్యంగా ఫేస్ బుక్, ట్విట్టర్, ఇస్టాగ్రామ్ తదితర సోషల్ మీడియాల్లో తమ అభిమాన నటుడి కోసం చేసిన సేవా కార్యక్రమాలను ప్రముఖంగా షేర్ చేస్తూ వస్తున్నారు. ఎక్కడ చూసినా చిరంజీవి జన్మదిన వీడియోలు, ఫోటోలు మాత్రమే దర్శనమివ్వడం విశేషం...