కేంద్ర ప్రభుత్వ ఆయుష్మాన్ భారత్ ప్రాజెక్టులో ఆంధ్రప్రదేశ్ నడుస్తున్న వెల్ నెస్ కేంద్రాల్లో 24 వైద్య సహాయం అందించడం ద్వారా నిరుపేదలు ప్రైవేటు ఆసుప త్రులకు వెళ్లే భారంత తప్పుతుందని బిజెపీ సీనియర్ నేత కొప్పల రామ్ కుమార్ అన్నారు. విశాఖలో ఆయన మీడియాతో మాట్లాడుతూ, రాష్ట్రప్రభుత్వం ప్రాధమిక ఆరోగ్యకేంద్రాల(వెల్ నెస్)లో అన్ని విభాగాల్లో ఇద్దరు చొప్పున నియమించిన ప్రభుత్వం ప్రధానంగా వ్యాధి నిర్ధారణ చేసే పారామెడిల్ సిబ్బంది(ల్యాబ్ టెక్నీషియన్) మాత్రం ఒక్కరినే నియమించడం ద్వారా అత్యవసర సమయంలో వ్యాధి నిర్దారణ ఎలా జరుగుతుందని ప్రశ్నించారు. ఇద్దరు వైద్యులు, ముగ్గురు ఇద్దరు స్టాఫ్ నర్సులు, ఇద్దరు ల్యాబ్ టెక్నీషియన్లు, ఇద్దరు ఫార్మాసిస్టులు, మరో ఇద్దరు ఎంఎన్ఓ లను నియమించడం ద్వారా 24 ప్రాధమిక వైద్య కేంద్రాల్లో వైద్యం అందించడానికి వీలు పడుతుందన్నారు. ముఖ్యంగా ప్రైవేటు ఆసుపత్రుల్లో ల్యాబ్ టెస్టులకే అధికంగా పేద ప్రజలు చెల్లించుకోవాల్సి వస్తుందన్నారు. అత్యవసర సమయాల్లో వ్యాధి నిర్ధారణ కాకపోతే ప్రాణాలకే ప్రమాదం వాటిల్లే అవకాశం ఉన్నందున ప్రభుత్వం పారామెడికల్ సిబ్బందిని కూడా ప్రాధమిక ఆరోగ్య కేంద్రాల్లో ఇద్దరిద్దరు చొప్పున నియమించాలని డిమాండ్ చేశారు. ఈమేరకు కేంద్ర ప్రభుత్వం ఆయుష్మాన్ భారత్ ప్రాజెక్టు కింద నిధులు మంజూరు చేస్తున్న విషయాన్ని కూడా రామ్ కుమార్ గుర్తుచేశారు. అదేవిధంగా గ్రామాల్లో ఇంటింటికీ తిరిగి ప్రజల ఆరోగ్యాన్ని తెలుసుకునే మేల్(మగ) ఆరోగ్య కార్యకర్తలను కూడా నియమించాలన్నారు. తద్వారా వైద్య రంగానికి రాష్ట్ర ప్రభుత్వం న్యాయం చేసినట్టు అవుతుందన్నారు. అదే సమయంలో పూర్తిస్థాయిలో నాణ్యమైన మందులు, కనీసం 100 రకాల మెడికల్ టెస్టులు చేసే విధంగా యంత్ర సామాగ్రి కూడా పీహెచ్సీలకు కేటాయించడం ద్వారా ప్రభుత్వ వైద్యంపై ప్రజలకు నమ్మకం ఏర్పడుతుందని రామ్ కుమార్ సూచించారు.