క్రిష్ణాజిల్లా గన్నవరం విమానాశ్రయంలో కొత్తగా నిర్మించిన రన్ వేను పదిరోజుల్లో రాకపోకలు జరపడానికి చర్యలు తీసుకుంటున్నట్టు కలెక్టర్ ఇంతియాజ్ చెప్పారు. శుక్రవారం గన్నవరంలోని విమానాశ్రయంలోని కొత్తగా నిర్మించిన రన్ వేని ఎయిర్ పోర్టు అధికారులతో కలిసి పరిశీలించారు. ప్రస్తుతం ఇక్కడ రూ.470 కోట్లతో ధునాతన సాంకేతిక పరిజ్ఞానంతో  ఇంటిగ్రేటెడ్ టెర్మినల్ భవనం, మరో రూ.27 కోట్ల తో ఆప్రాన్ లింక్ టాక్సీ వే పూర్తయినట్టు కలెక్టర్ వివరించారు. అంతేకాకుండా త్వరలోనే బోయింగ్ 777, 747 అంతర్జాతీయ  విమాన సర్వీసులు కూడా ప్రారంభించడానికి ముమ్మరంగా సన్నాహాలు జరుగుతున్నాయని వివరించారు. అంతర్జాతీయ విమాన సర్వీసులు ప్రారంభం అయితే అన్ని దేశాలకు కనెక్టవిటీ బాగా పెరుతుందని విమాన ప్రయాణీకులు భావిస్తున్నారు. కొత్తగా చేపట్టిన పనులన్నీ పూర్తికావడంతో గన్నవరం ఎయిర్ పోర్టు నూతన శోభ సంతరించుకుంది.  ఈ కార్యక్రమంలో రెవిన్యూ, అధికారులతోపాటు ఎయిర్ పోర్టు అథారిటీ అధికారులు పాల్గొన్నారు.