గ్రామాల్లో వీధి దీపాలు వెలిగినా, వెలగకపోయివా వాటి బాధ్యత గ్రామసచివాలయాలే చూడాలని ఆంధ్రప్రదేశ్ ప్రభుత్వం ఉత్తర్వులు జారీ చేసింది. ప్రస్తుతం ప్రైవేటు పొరుగు సేవల అధీనంలో ఈ సేవలు ఇక నుంచి గ్రామసచివాలయాలే చూడనున్నాయి. ఇక నుంచి ఏ వీధిలోనైనా వీధిలైటు వెలగకపోయినా సచివాలయంలో ఫిర్యాదు చేయాలి. దానిని సత్వరమే కార్యదర్శి పరిష్కరించాలి. ఒక్కోసారి కార్యదర్శి అందుబాటులో లేనపుడు గ్రామ వాలంటీర్ ద్వారా కూడా ఈ విషయమై ఫిర్యాదు చేయవచ్చునని ఆ ఉత్తర్వుల్లో పేర్కొంది. దీంతో గ్రామసచివాలయానికి ఒక ఎనర్జీ అసిస్టెంట్ ను ఏర్పాటు చేయడానికి మార్గం సుగమం అయినట్టే కనిపిస్తుంది. అంతేకాదు, గతంలో పొరుగు సేవల ద్వారా పనిచేసేవారికి త్వరలోనే చెల్లుచీటి కానుందని కూడా సమాచారం. ఎందుకంటే పారిశుధ్య కార్మికుల పేరుతో నిర్వాహకులు కూడా సచివాలయాల్లో ఉద్యోగాలు చేస్తున్నట్టు నటిస్తూ జీతాలు తీసుకుంటున్నారు. అవిషయంపైనా ప్రభుత్వం సమగ్ర విచారణ చేయనుందని తెలుస్తుంది...