అరబ్ దేశాల్లో ఒకటైన సౌదీ అరేబియాలో రికార్డు స్థాయిలో మరణ శిక్షలు అమలు జరుగుతున్నాయి. తమ ప్రభుత్వం మరణ శిక్షలను తగ్గిస్తుందని యువరాజు మహ్మద్ బిన్ సల్మాన్ చేసిన ప్రకటనకు విరుద్ధంగా గతంలో ఎన్నడూ లేని విధంగా మరణశిక్షలు విధిస్తున్నారు. 2015-2022 మధ్యలో ఏడాదికి సగటున 129 మరణ శిక్షలు అమలయ్యాయి. 2010-14తో పోలిస్తే 82 శాతం పెరిగాయి. గత ఒక్క ఏడాదిలోనే 147 మందికి మరణశిక్ష విధించారు. ప్రపంచ దేశాల్లో ఉరిశిక్షలు అమలు చేస్తున్న దేశాల్లో ప్రస్తుతం సౌదీ అరేబియా కూడా. ఇక్కడ అమలవుతున్న మరణశిక్షలు ప్రపంచవ్యాప్తంగా చర్చనీయాంశం అవుతున్నాయి.
