ప్రముఖ సోషల్ మీడియా దిగ్గజ మెసేజింగ్ యాప్ వాట్సాప్ తమ యూజర్ల కోసం గుడ్ న్యూస్ ను చెప్పింది. ఎప్పటి కప్పుడు సరికొత్త ఫీచర్లతో వినియోగదారుల చూపు పక్క యాప్స్ పైకి తిప్పుకోనీయకుండా చేస్తున్న వాట్సప్ ఇపుడు  మరింతగా ఆకట్టుకునేందుకు సరికొత్త ఫీచర్లను అందుబాటులోకి తీసుకురానుంది. 2023లో డెస్క్ టాప్ స్క్రీన్ లాక్, వ్యూ వన్స్ టెక్ట్స్, ఐఫోన్ వినియోగదారులకు PiP వీడియో కాల్స్ వంటి  సౌకర్యాలను త్వరలోనే  తీసుకు వస్తున్నట్టు ప్రకటించింది. ఇప్పటికే వాటి యొక్క పని పూర్తికాగా, టెస్టింగ్ దశలో ఉన్నాయని, టెస్టింగ్ సమయం పూర్తికాగానే బగ్స్ లేని యాప్ ను ప్లే స్టోర్ లో అందుబాటుల ఉంటుందని పేర్కొంది. ఫోటోలు, వీడియోలు సులభంగా తీసుకునేందుకు డెడికేటెడ్ వీడియో మోడ్, ఒకే నెంబర్ తో అనేక ఫోన్లలో లాగిన్ అయ్యేలా కాంపానియన్ మోడ్ లు త్వరలో వచ్చే అప్డేటెడ్ యాప్ లో ఉంటాయని వినియోగదారులకు సులభతరమైన,  ఎక్కువ ఫీచర్లను అందించడమే లక్ష్యంగా పనిచేస్తున్నట్టు వాట్సప్ పేర్కొంది.