విజయనగరంజిల్లాలోని గ్రామ వార్డు సచివాలయాల వారి పని తీరును ప్రామాణికంగా చేసుకొని ర్యాంకింగ్ లను కేటాయించినట్లు జిల్లా కలెక్టర్ సూర్య కుమారి తెలిపారు. సచివా లయాలలో అందించిన సేవలు, స్పందన నమోదు, స్పందన డిస్పోజల్స్, గడువు లోగా పరిష్కరించినవి, హౌసింగ్ తదితర అంశాల ప్రామాణికంగా ఓవరాల్ ర్యాంకింగ్ ఇవ్వడం జరిగిందన్నారు. అందులో ప్రధానంగా డేంకాడ రూరల్ గ్రామ సచివాలయం రాంక్ 1 కైవసం చేసుకుంది. పూసపాటి రేగ మండలం కోనాడ సచివాలయం 2 వ రాంక్, భోగాపురం మండలం సవరవల్లి సచివాలయం 3వ రాంక్ సాధించినట్లు కలెక్టర్ తెలిపారు. సంతకవిటి మండలం మోదుగుల పేట, రేగిడి ఆమదాలవలస మండలం రేగిడి సచివలయాలు 4,5 స్థానాలలో నిలిచినట్లు తెలిపారు.
