ప్రతి సిడిపిఒ గర్భిణీల వివరాలు, ఫోన్ నంబర్లను నమోదు చేసి వారితో ఎప్పటికప్పుడు మాటాడి వారికి ధైర్యం కల్పించాలని, అవసరమైన సూచనలు అందచేయాలని ఆదేశించారు. గర్భినీలకు సేవలు అందించటం కోసమే మీరున్నారని గుర్తించాలని,  వారికి సేవలు అందించ లేకపోతె మీకు జీతాలు ఎందుకు చెల్లించాలని ప్రశ్నించారు. గ్రామాల్లో ప్రజలకు రక్త హీనత, పౌష్టికాహారం, ఎదుగుదల, లో వెయిట్,  ఆరోగ్యం తదితర విషయాలపై పూర్తి అవగాహన కల్పించాలని కలెక్టర్ ఆదేశించారు.  లేక్టింగ్ స్త్రీలను ట్రాక్ చేసి వారికి సరైన రీతిలో మందులు అందచేయాలన్నారు. అనీమియా నిర్వహణలో సచివాలయ మహిళా పోలీసులు స్పందించటం లేదని కలెక్టర్  దృష్టికి తీసుకు రాగా కలెక్టర్ స్పందిస్తూ వెంటనే ఎస్పి సతీష్ కుమార్ తో మాటాడి వారికి తగు సూచనలు జారీ చేయాలనీ కోరారు.  అదేవిధంగా సచివాల్యాలకు ఒక సర్క్యులర్ పంపించాలని సూచించారు.  

జిల్లాలో 131 అంగన్వాడి కేంద్రాలకు నాడు- నేడు కింద అభివృద్ధి చేయటానికి కేంద్రానికి రూ.13.50 లక్షలు మంజూరైనందున ఈ అవకాశాన్ని సద్వినియోగం చేసుకోవాలని కలెక్టర్ సూచించారు.  అందుకు అవసరమైన కమిటీసభ్యుల వివరాలు తీసుకుని ఆధార అప్డేట్ చేయించి సంబంధిత  బ్యాంకు లలో ఖాతాలు తెరిపించాలని, తద్వారా అంగన్వాడి భవనాల నిర్మాణాలు చేపట్టాలని ఆదేశించారు. హుకుంపేట ప్రాజెక్ట్ పరిధిలో నాణ్యమైన సరుకులు పంపిణీ కావటం లేదని,   సిడిపిఒలు  కలెక్టర్ దృష్టికి తీసుక  రాగా ఆయా కాంట్రాక్టర్లను గురువారం తన వద్ద హాజరు పరచాలని కలెక్టర్ ఆదేశించారు. ఈ సమావేశంలో ఇసిడిఎస్ ప్రాజెక్ట్  డైరెక్టర్ సూర్యలక్ష్మి, పాడేరు డివిజన్ లోని అంగన్వాడి ప్రాజెక్ట్ ల సిడిపిఒలు, సూపెర్వైజర్లు,  తదితరులు పాల్గొన్నారు.