ఎస్సీ గురుకులాలను కార్పొరేట్ స్కూళ్లకు ధీటుగా తీర్చిదిద్దడం లో భాగంగా అన్ని పాఠశాలలు, కళాశాలల్లో నూటికి నూరు శాతం ఫలితాలు సాధించే దిశగా కూడా చర్యలు తీసుకుంటున్నామని నాగార్జున వెల్లడించారు. పిల్లలకు వివిధ సబ్జెక్టులు బోధించే టీచర్లు తమ సబ్జెక్టుల్లో పిల్లలు 100% ఫలితాలు సాధించేలా చూసుకోవాలని, ఆ బాధ్యత టీచర్లదేనని స్పష్టం చేశారు. పిల్లలు వెనుకబడిన సబ్జెక్టుల్లో వారికి ట్యూషన్లు చెప్పించాలని ఆదేశించారు. 100% ఫలితాల సాధన కోసం ఎస్సీ గురుకులాల్లో బోధనా పద్ధతులను కూడా సమీక్షించి అవసరమైన చర్యలు తీసుకోవాలని కూడా నిర్ణయించామని వివరించారు. ఈ కార్యక్రమంలో సాంఘిక సంక్షేమ గురుకుల విద్యాలయాల సంస్థ కార్యదర్శి పావనమూర్తి కూడా పాల్గొన్నారు.