ఈరోజు ఆ మహనీయుని జయంతి కార్యక్రమాన్ని తెలుగు భాషా దినోత్సవంగా మనం జరుపుకోవాలని ప్రభుత్వం నిర్ణయించడం ఆయనకు ఇవ్వడం తెలుగు వారికి ఎంతో గర్వకారణం అన్నారు. తెలుగు సాహిత్యాన్ని సరళీకరించి, తెలుగు భాష తీయదనాన్ని సామాన్యుడికి చేరువ చేసిన రామ్మూర్తి పంతులు గారు తెలుగుభాషా సంస్కర్తల్లో అగ్రగణ్యులుగా నిలిచారని కలెక్టర్ మాధవీలత పేర్కొన్నారు. ఇకపై కలెక్టరేట్ నందు ప్రతి రోజూ  "రోజుకో ఒక తెలుగు పదం " వ్యాఖ్య వ్రాయడం కోసం ప్రదర్శన పలక ముందు భాగంలో ఏర్పాటు చేయాలని నిర్ణయం తీసుకున్నామని పేర్కొన్నారు. అందులో ప్రతి రోజూ ఒక తెలుగు వాక్యాన్ని  తప్పనిసరిగా రాయడం జరుగుతుందని ఆమె పేర్కొన్నారు.

సవర భాష కోసం శ్రీకాకుళం వెళ్లి ఆ భాషకు లిపిని తీసుకుని వచ్చి వాడుక భాష ఔనిత్యాన్ని చాటిన గొప్ప వ్యక్తి గిడుగు రామ్మూర్తి పంతులు గారని జిల్లా జాయింట్ కలెక్టర్ సిహేచ్. శ్రీధర్ పేర్కొన్నారు. తెలుగు భాషను మన పిల్లలకు నేర్పించడం ద్వారా వారిలోని సృజనాత్మకతను పెంపొందించడం సులభసాధ్యం అవుతుందని ఆయన అన్నారు.