అనంతరం అధికారులను ఉద్దేశించి కలెక్టరు మాట్లాడుతూ  జిల్లాలో మనబడి నాడు నేడు రెండో దశ కార్యక్రమములో భాగంగా సుమారుగా 904  అంగన్వాడీ, పాఠశాలలు, జూనియర్ కళాశాలల్లో  నిర్మాణ పనులు చేపట్టడం జరిగిందన్నారు.  విద్యా శాఖ, ఇంజనీరింగ్ అధికారులు క్షేత్ర స్థాయి సిబ్బందిని సమన్వయం చేసుకొని నిర్మాణ పనులను వేగవంతం చేయాలన్నారు. ఇసుక, సిమెంట్ తదితరాలకు అవసరమైన ఇండెంట్ ను ఎప్పటికప్పుడు పంపించాలన్నారు. నిర్మాణ పనులలో నాణ్యత ప్రమాణాల పాటించే విధంగా అధికారులు పర్యవేక్షించాలని  కలెక్టరు తెలిపారు. సమావేశంలో జిల్లా విద్యాశాఖ అధికారి డి.సుభద్ర, సమగ్రశిక్ష, పంచాయతీరాజ్, ఏపీడబ్ల్యూఐడీసీ, ఆర్డబ్ల్యూఎస్ సుపరింటెండెంట్ ఇంజనీర్లు నటరాజన్, ఎం.శ్రీనివాసు, కె.లక్ష్మణరెడ్డి, ఎం.శ్రీనివాసు, ఐసీడీఎస్ పీడీ కె.ప్రవీణ తదితరులు పాల్గొన్నారు.