భూహక్కు పత్రాలలో ప్రచురణే కొలమానం అయినందున పత్రాల జారీలో వివరాలను క్షుణ్ణంగా పరిశీలించాలన్నారు. పత్రాల జారీలో మార్పులు, చేర్పులు కొరకు అప్షన్ ఇవ్వడం జరిగిందన్నారు. కావున మార్పులు, చేర్పులు చేయాల్సినవి ఉంటే అటువంటి వాటిని ఈ నెల 15 లోగా పూర్తిచేయాలని ఆదేశించారు. తమకు పంపిన వివరాలను అనుసరించి భూహక్కు-భూరక్ష పత్రాలు సిద్ధమవుతాయని, కావున ఎటువంటి పొరపాట్లకు తావులేకుండా చూసుకోవాలని కోరారు. ఈ సమావేశంలో సంయుక్త కలెక్టర్ ఎం.నవీన్, జిల్లా రెవెన్యూ అధికారి ఎం.రాజేశ్వరి, భూసర్వే మరియు రికార్డుల శాఖ సహాయ సంచాలకులు కె.ప్రభాకరరావు, ఇతర అధికారులు తదితరులు పాల్గొన్నారు.