ముఖ్య‌మంత్రి ప్ర‌సంగం అనంత‌రం, ఫిషరీష్ డిడి ఆధ్వర్యంలో ప్రపంచ మత్స్య దినోత్సవాన్ని ఘనంగా నిర్వహించారు. ఈ సందర్భంగా ఏర్పాటు చేసిన కార్యక్రమంలో జిల్లా కలెక్టర్  మాట్లాడుతూ, మ‌త్స్య‌కారుల కోసం రాష్ట్ర ప్ర‌భుత్వం అమ‌లు చేస్తున్న ప‌థ‌కాల గురించి వివ‌రించారు. వేట నిషేధ భృతిలో భాగంగా జిల్లాలోని 2944 మ‌త్స్య‌కార కుటుంబాల‌కు రూ.294 లక్ష‌లు అంద‌జేశామ‌ని పేర్కొన్నారు. 2200 మందికి ఫించన్లు అందిస్తున్న‌ట్లు చెప్పారు. అలాగే కిసాన్ క్రెడిట్ కార్డులు అంద‌జేయ‌టం ద్వారా సీడ్ ఫారం నెల‌కొల్ప‌టం ద్వారా ఆర్థిక లబ్ధి చేకూరుస్తున్నామ‌ని వివ‌రించారు. మ‌త్య్స‌కారుల జీవితాల్లో వెలుగులు నింపేందుకు జిల్లా యంత్రాంగం అనేక చ‌ర్య‌లు తీసుకుంటుంద‌ని ఈ సందర్భంగా పేర్కొన్నారు.

కార్య‌క్ర‌మంలో మ‌త్స్య కార్పోరేషన్ డైరెక్టర్ ఎం. న‌ర‌సింహులు, మ‌త్స్య‌కార సొసైటీ స‌భ్యులు, ఇత‌ర ప్ర‌జాప్ర‌తినిధులు, అధికారులు త‌దిత‌రులు పాల్గొన్నారు.