అనకాపల్లి జిల్లాలో 2లక్షల 18 వేల 531 మందికి పెంచిన పింఛన్లు వివిధ కేటగిరీలలో రూ.2750 ల చొప్పున మొత్తం రూ 60 కోట్ల 9 లక్షల 60 వేల 250 లు అందిస్తున్నట్లు జిల్లా కలెక్టర్ రవి పట్టన్ శెట్టి తెలిపారు. మంగళవారం సీఎం వై.ఎస్. జగన్మోహన్ రెడ్డి రాజమండ్రి సభలో పెంచిన పింఛన్లను లబ్ధిదారులకు అందజేశారు. కార్యక్రమం ప్రత్యక్ష ప్రసారాన్ని జిల్లా కలెక్టర్ తో అధికారులు లబ్ధిదారులు తిలకించారు. అనంతరం జిల్లా కలెక్టర్ పెంచిన పింఛన్ చెక్కులను లబ్ధిదారులకు అందజేశారు. ఈ సందర్భంగా ఆయన మాట్లాడుతూ జిల్లాలో 6,718 మందికి వివిధ కేటగిరీ పింఛన్లు కొత్తగా మంజూరు అయ్యాయన్నారు. జిల్లాలో పింఛన్ల పెంపును పొందిన వారిలో వృద్ధులు 1,43,141 మంది వితంతువులు 60,337 ఒంటరి మహిళలు 5,780 మత్స్యకారులు 3,265 చేనేత పనివారు 2,623 కల్లుగీత పనివారలు 2,328 మంది కాగా 1057 మంది సాంప్రదాయ చర్మకారులకు వర్తించిందని తెలిపారు.
