ఫారం-7 ద్వారా ఓటరు నమోదు అప్లికేషన్ ను రిజక్టు చేసినట్లయితే అందుకు తగిన కారణాలను ఓటరు కు తెలియజేయడం తో పాటు ఆన్లైన్ లో కూడా అప్లోడ్ చేయాలని మేనేజింగ్ డైరక్టర్, ఎ.పి.డి.డి.సి.ఎఫ్ మరియు స్పెషల్ సమ్మరి రివిజన్ 2023 రోల్ అబ్జర్వర్ ఎ.బాబు తెలిపారు. మంగళంవారం సాయంత్రం జిల్లా కలెక్టర్ కార్యాలయ సమావేశమందిరంలో జిల్లా కలెక్టర్ తో కలిసి ఇ ఆర్ ఓ లు, ఎ.ఇ.ఆర్.ఓలతో సమీక్షా సమావేశం నిర్విహించారు. ఈ సందర్భంగా ఆయన మాట్లాడుతూ తుది ఓటరు జాబితా ముద్రణలో ఎటువంటి పొరపాటు జరగకుండా చర్యలు తీసుకోవాలని అన్నారు. ఇప్పటి వరకు జరిగిన పరిణామాలతో పాటు పాపులేషన్ రేషియో, పోలింగ్ కేంద్రాల లోకేషన్స్ వివరాలు, సర్వీసు ఓటరు వివరాలు, మైగ్రేటెడ్ ఓటర్ల వివరాలు, ఒకే వ్యక్తి పొటో తో రెండు లేదా అంతకంటే ఎక్కువ ఓటరు నమోదు జరిగినట్లయిటే అటువంటి వాటి వివరాలు మరియు ఫారం-6బి (ఆధార్ లింక్) వివరాలపై సమీక్షించారు. జిల్లా కలెక్టర్ డా.ఎ.మల్లిఖార్జున మాట్లాడుతూ తుది ఓటరు జాబితా ఎటువంటి పొరపాట్లలకు తావు లేకుండా రూపొందిస్తామన్నారు.
ఈ సమీక్షా సమావేశంలో జిల్లా జాయింట్ కలెక్టర్ కె.ఎస్.విశ్వనాధన్ , జిల్లా రెవెన్యూ అధికారి శ్రీనివాసమూర్తి, ఇ ఆర్ ఓ లు, ఎ.ఇ.ఆర్.ఓ లు, వివిద బి.ఎల్.ఓలు పాల్గొన్నారు.
