బాపట్ల జిల్లాలో గణతంత్ర దినోత్సవాన్ని ఘనంగా నిర్వహించడానికి చర్యలు తీసుకోవాలని జిల్లా కలెక్టర్ విజయ కృష్ణన్ అధికారులను ఆదేశించారు. సోమవారం కలెక్టరేట్ లో జిల్లా కలెక్టర్ స్పందన కార్యక్రమం నిర్వహించారు.ఈ సందర్భంగా జిల్లా కలెక్టర్ మాట్లాడుతూ ఈనెల26వ తేదీన పోలీసు పెరేడ్ గ్రౌండ్స్ లో గణతంత్ర దినోత్సవ వేడుకలు నిర్వహించడానికి అవసరమైన చర్యలు తీసుకోవాలని అన్నారు. గణతంత్ర దినోత్సవ వేడుకల్లో ప్రభుత్వ సంక్షేమ పథకాలను తెలియజేసే శకటాలు,స్టాల్స్ ను ఏర్పాటు చేయాలని అధికారులను ఆదేశించారు. పోలీసు గ్రౌండ్స్ లో సాంస్కృతిక కార్యక్రమాలు ఏర్పాటు చేయాలన్నారు.గణతంత్ర దినోత్సవ వేడుకలకు వచ్చే వారికీ ఆరోగ్య సమస్యలు తలెత్తకుండా మెడికల్ క్యాంప్ ఏర్పాటు చేయాలన్నారు. వేడుకలకు వచ్చే పిల్లలకు త్రాగునీటి సౌకర్యం కల్పించాలని ఆమె చెప్పారు. పోలీసు పెరేడ్ గ్రౌండ్స్ లో పారిశుద్ధ్య కార్యక్రమాలు చేపట్టాలని చెప్పారు.
స్పందన కార్యక్రమంలో వచ్చిన అర్జీలను వెంటనే పరిష్కరించాలని అధికారులను ఆదేశించారు. గడువులోగా అర్జీలను పరిష్కరించని అధికారులపై చర్యలు తీసుకుంటామని చెప్పారు.గత వారం లో వచ్చిన అర్జీలను పరిష్కరించాలన్నారు. ఒకే సమస్య పై పదే పదే అర్జీలు వస్తే సహించేది లేదని అధికారులను ఆదేశించారు. మండల ప్రత్యేక అధికారులు పారిశుద్ధ్య కార్యక్రమాలు తనిఖీ చేయాలన్నారు. జిల్లాలో అన్ని మండల,గ్రామ పంచాయతీ స్థాయిల్లో గణతంత్ర దినోత్సవాలను ఘనంగా నిర్వహించాలన్నారు. ఈ కార్యక్రమంలో జాయింట్ కలెక్టర్ కె.శ్రీనివాసులు, జిల్లా రెవెన్యూ అధికారి లక్ష్మీ శివ జ్యోతి, పశుసంవర్ధక శాఖ జె.డి హనుమంతరావు, వ్యవసాయ శాఖ జె.డి అబ్దుల్ సత్తార్,మత్స్య శాఖ జె.డి సురేష్, గృహ నిర్మాణ శాఖ ప్రాజెక్టు డైరెక్టర్ ప్రసాద్ , సి.పి.ఓ భరత్ కుమార్,డి.ఎం. హ్.ఓ డ్రా.విజయమ్మ, పౌర సరఫరాల శాఖ డి.ఎస్.ఓ వీలీమ్స్, డి.ఎం శ్రీలక్ష్మి, తదితరులు పాల్గొన్నారు.
