విజయనగరం జిల్లా సమీక్షా సమావేశం వాయిదా పడినట్లు జిల్లా కలెక్టర్ ఏ.సూర్యకుమారి తెలిపారు. ఈ మేరకు జిల్లా మీడియాకు ఒక ప్రటకన విడుదల చేశారు. 6వ విడత జగనన్న తోడు కార్యక్రమం ఈనెల 11న ముఖ్యమంత్రి వైఎస్.జగన్మోహనరెడ్డి ప్రారంభిస్తున్న దృష్ట్యా అదే రోజున జరగాల్సిన జిల్లా సమీక్షా సమావే శం వాయిదా వేసినట్టు పేర్కొన్నారు. సదరు కార్యక్రమం అయిన తరువాత డిఆర్సీ జరిగే తేది ప్రకటిస్తామని పేర్కొన్నారు. ఈ విషయాన్ని ప్రజాప్రతినిధులు, జిల్లాశాఖల అధికారులు గమనించాలన్నారు. వచ్చే సమావే శానికి సిద్ధం చేయాల్సిన నివేదికలు ఈలోగా సిద్దం చేసుకోవాలని సూచించారు.
