అంగన్ వాడీ కేంద్రాల ద్వారా గర్భిణీలకు, బాలింతలకు అందించే పౌష్టికాహారంలో ఎటువంటి లోటుపాట్లు ఉండకూడదని ఆంధ్రప్రదేశ్ రాష్ట్ర ఫుడ్ కమీషన్ సభ్యులు బి.కాంతారావు అన్నారు. మంగళవారం ప్రభుత్వ పాఠశాలలు అంగన్ వాడీ కేంద్రాలను ఆకస్మిక తనిఖీ చేశారు. ముందుగా ఫుడ్ కమీషన్ మెంబర్ చిన వాల్తేరులోని కెడిపియమ్ హైస్కూల్ ను సందర్శించారు. అక్కడ విద్యార్ధులతో మాట్లాడి మధ్యాహ్న భోజన పథకం అమలు తీరు గురించి అడిగి తెలుసుకున్నారు. స్కూల్ విద్యార్ధులతో పాటు వారికి అందిస్తున్న భోజనాన్ని స్వీకరించారు. అనంతరం ఎంవిపి కాలనీ, సెక్టార్-9 లో గల అంగన్ వాడీ సెంటర్ ను సందర్శించి అటెండెన్సు రిజిస్టర్ ను పరిశీలించారు. పౌష్టికాహార సరఫరాలో ఎటువంటి పొరపాట్లు జరిగినా కఠిన చర్యలు తీసుకుంటామనిహెచ్చరించారు. అనంతరం అడవివరం జిల్లా పరిషత్ హైస్కూల్ తనిఖీ చేసి అక్కడ విద్యార్ధులతో మాట్లాడారు.
ఫోర్టిఫైడ్ రైస్ లో గల పోషక విలువల సమాచారాన్ని, ఆవస్యకతను విద్యార్ధులకు అవగాహన కలిగించాలని ఉపాధ్యాయులకు సూచించారు. అనంతరం స్కూల్ ఆవరణలో మొక్కలు నాటారు. తోటగరువు వద్ద గల జిల్లా పరిషత్ హైస్కూల్ తో పాటు అంగన్ వాడీ కేంద్రాన్ని సందర్శించి గర్భణీ, బాలింతలకు మధ్యాహ్న భోజన పథకంతో పాటు పిల్లలకు కోడి గుడ్లు సరఫరా తదితర అంశాలపై సిబ్బందిని అడిగి తెలుసుకున్నారు.
ఈ కార్యక్రమంలో డీఎస్ఓ సూర్యప్రకాష్ రావు, డీఈఓ చంద్రకళ, ఐసిడిఎస్ పిడి, ఫుడ్ సేప్టీ అధికారులు, సిడిపిఓ లు, తదితరులు పాల్గొన్నారు.
