ఏ.పి.సేవాపోర్టల్ ద్వారా ప్రజలకు అందుతున్న సేవలు మరింత మెరుగ్గా అందించడానికి కంట్రోల్ రూమ్ ద్వారా పర్యవేక్షణ చేయడం జరుగుతుందని కలెక్టర్ సూర్య కుమారి తెలిపారు. మంగళవారం కలెక్టరేట్ సమావేశ మందిరంలో ఏర్పాటు చేసిన కంట్రోల్ రూమ్ ను సందర్శించిన కలెక్టర్ అక్కడి సిబ్బంది కి పలు సూచనాలను జారీ చేశారు. టీడ్కో, ఐ.సి.డి.ఎస్, పౌర సరఫరాల, నాడు నేడు, సర్వ శిక్షా అభియాన్, విద్యా, మద్యాహ్న భోజనం, ఆరోగ్య శ్రీ , హౌసింగ్ తదితర శాఖల ద్వారా అమలవుతున్న పథకాలు, పనుల పురోగతి పై డైలీ నివేదికలను కలెక్టర్ కు ప్రతి రోజు అందించాలని సూచించారు. దీని ద్వారా ఎక్కడైనా అందవలసిన సేవలు ఆలస్యంగా అందినా, సరిగ్గా అందకపోయినా సరిదిద్దే వ్యవస్థ ఏర్పడుతుందని తెలిపారు. ప్రభుత్వ శాఖల నుండి అనేక యాప్ ల ద్వారా అందిన సమాచారాన్ని క్రోడీకరించి నివేదికలను తయారు చేయడం జరుగుతుందని, దీనివలన పని తీరును రియల్ టైం లో పర్యవేక్షించి, ఆయా శాఖలకు తగు ఆదేశాలు జారీ చేయడం జరుగుతుందన్నారు. ఈ కంట్రోల్ రూమ్ సిబ్బంది అన్ని పథకాలు, కార్యక్రమాల పై అవగాహన కలిగించుకోవలన్నారు. కలెక్టర్ వెంట సి.పి.ఓ బాలాజీ, సచివాలయ సమన్వయాధికారి అశోక్ ఉన్నారు.
