సమాజంలో బాలబాలికలు ఇద్దరూ సమానమే అని జిల్లా వైద్య ఆరోగ్య శాఖ అధికారి డా.బగాది జగన్నాథ రావు అన్నారు. బాలికలు జాతీయ సంపద అని ఆయన అభివర్ణించారు. బాలికలు లేని ఇల్లు ఆనందాల హరివిల్లు కాదని ఆయన పేర్కొన్నారు. జాతీయ బాలికా దినోత్సవం స్థానిక బాలికల ఉన్నత పాఠశాలలో మంగళ వారం నిర్వహించారు. ఈ సందర్భంగా ఆయన మాట్లాడుతూ సమాజంలో బాలబాలికలు ఇద్దరూ సమానమే అని అన్నారు. రకాల అపోహలు, సామాజిక రుగ్మతలను అనుసరించే వారు బాలురకు పెద్ద పీట వేయడం జరుగుతోందని ఆయన చెప్పారు. ఈ సందర్భంగా బాలికా పరిరక్షణ ప్రతిజ్ఞను చేశారు.
