యువత మత్తు పదార్ధాలకు, మాదక ద్రవ్యాలకు బానిస కాకుండా తగుచర్యలు తీసుకోవాలని జిల్లా కలెక్టర్ ఎ. సూర్య కుమారి తెలిపారు. సిగరెట్లు, పొగాకు సంబంధిత వస్తువులను అమ్మే వారిపై, మందులు అమ్మే దుకాణాలు, ఇతర బడ్డీ కొట్లు పై గట్టి నిఘా ఉంచాలని తెలిపారు. జాతీయ బాలల హక్కుల కమిషన్ మాదక ద్రవ్యాల నిరోధక శాఖలు సంయుక్తంగా రూపొందించిన జాయింట్ ఆక్షన్ ప్లాన్ పై బుధవారం కలెక్టర్ ఛాంబర్ లో సమావేశం నిర్వహించారు. ఈ సందర్భంగా కలెక్టర్ మాట్లాడుతూ మాదక ద్రవ్యాలు విక్రయిస్తున్నట్లు అనుమానం ఉన్న ప్రాంతాలలో ప్రత్యెక నిఘా ఏర్పాటు చేయాలన్నారు. పాఠశాలల దగ్గరలో బడ్డీ కోట్లు ఉండకుండా చూడాలని, 18 సంవత్సరాల లోపు వారికీ సిగరెట్లు, మందు వంటివి విక్రయించకుండా చూడాలని, చట్టం లోని అంశాలను దుకాణాల వద్ద ప్రదర్శించాలని సూచించారు. పాఠశాలలు, కాలేజీల వద్ద, సి సి కెమెరాలను ఏర్పాటు చేయాలనీ సూచించారు.
అదే విధంగా మందుల షాప్ వద్ద కూడా సిసి కెమెరాల ను ఏర్పాటు చేయడమే కాకుండా మాదక ద్రవ్యాల నిరోధక చట్టం లోని అంశాల పై అవగాహన కలిగించి,
నిబంధనలను డిస్ప్లే చేయించాలని తెలిపారు. మాదకద్రవ్యాల వినియోగం వలన శరీర అవయవాల పై పడే చెడు ప్రభావాన్ని యువతకు తెలిసేలా విద్యా సంస్థల్లో
అవగాహనా తరగతులను నిర్వహించాలని సూచించారు. మహిళా పోలీస్ కు, స్టేషన్ హౌస్ ఆఫీసర్లకు ముందుగా చట్టం పై పూర్తిగా అవగాహన కలిగించాలని,
వారు గ్రామాల్లో, విద్యా సంస్థల్లో సమావేశాల్లో అవగాహన కలిగిస్తారన్నారు. మత్తును కలిగించే మందులు వైద్యుల చీటీ లేకుండా విక్రయించ రాదనే నిబంధన
పటిష్టంగా అమలు జరపాలన్నారు. యువత ఎక్కువగా గుమిగూడి ఉన్న ప్రాంతాలను గుర్తించి ఆ ప్రాంతాల్లో ఎలాంటి కార్యకలాపాలు జరగకుండా చూలన్నారు.
ఈ సమావేశంలో ఎక్షైజ్ సూపరింటెండెంట్ వి.సుదీర్, దిశా డి.ఎస్.పి వెంకటేశ్వర్లు, సి.డబ్లు.సి ఛైర్పర్సన్ హిమ బిందు, డ్రగ్స్ కంట్రోల్ ఏ.డి కే. రజిత,
డి.ఈ.ఓ లింగేశ్వరరెడ్డి, సర్వసిక్షా అభియాన్ పి.ఓ డా.స్వామి నాయుడు, జిల్లా పరిషత్ సి.ఈ.ఓ డా.అశోక్ కుమార్, డి.ఎం.హెచ్.ఓ డా.రమణ కుమారి,
ఐ.సి.డి.ఎస్. పి.డి శాంత కుమారి, తదితరులు పాల్గొన్నారు.
