బచేలి నుంచి విశాఖపట్నం వైపు వస్తున్న గూడ్స్ రైలు కొత్తవలస-కిరండూల్ సెక్షన్‌లోని శివలింగపురం-బొడ్డవర సెక్షన్‌లోని టన్నెల్-7కు ముందు శివలింగపురం యార్డ్ సమీపంలో పట్టాలు తప్పింది. 8 లోడెడ్ వ్యాగన్లు సైట్ వద్ద పట్టాలు తప్పాయి. కోరాపుట్, విశాఖపట్నం నుండి ప్రమాద సహాయ రైళ్లు పునరుద్ధరణ కార్యకలాపాలు, సహాయక చర్యలను పర్యవేక్షించేందుకు వాల్తేరు డీఆర్ఎం అనుప్ సత్పతి కూడా స్థలానికి చేరుకున్నారు. యుద్ధప్రాతిపదికన పునరుద్ధరణ పనులు ప్రారంభించారు. విశాఖపట్నం-కిరండూల్ రైలు 08551 ఈరోజు (02.02.2023) రద్దు చేస్తున్నట్టు అధికారులు ప్రకటించారు. ప్రయాణీకులకు రీఫండ్‌లు చేస్తున్నారు. ఆన్‌లైన్ టిక్కెట్ హోల్డర్లు రీఫండ్‌ల కోసం ఆన్‌లైన్ టిడిఆర్ ఫైల్ చేయాలని అధికారులు సూచిస్తున్నారు.
