జగనన్న విదేశీ విద్యా దీవెన కొత్త పథకం ద్వారా 2023 సంవత్సరానికి గాను మొదటి విడతగా జిల్లాలో మంజూరైన 11 మంది విద్యార్ధులకు రూ.1,16,78,756 /-మొత్తాన్ని మెగా చెక్కు రూపంలో విశాఖజిల్లా కలెక్టర్ డా.ఏ.మల్లిఖార్జున కలెక్టరేట్ లో శుక్రవారం జివిఎంసీ మేయర్ గొలగాని హరివెంకట కుమారి, ఎమ్మెల్సీ వరుదు కళ్యాణిలతో కలిసి లబ్ధిదారులకు అందజేశారు. ప్రభుత్వం అందజేసిన ఈ సహకారంతో విద్యార్ధినీ విద్యార్దులు ఉన్నత విద్యను అభ్యసించి ప్రభుత్వానికి మంచి పేరు తీసుకురావాలని సూచించారు. ఈ కార్యక్రమంలో పలువురు ప్రజా ప్రతినిధులు, విద్యార్ధినీ విద్యార్ధులు, జిల్లా అధికారులు పాల్గొన్నారు.
