తిరుమల ఈవో ఎవి.ధర్మారెడ్డి ఆదేశాల మేరకు టిటిడి విజిలెన్స్, పోలీసు అధికారులు రామకృష్ణ తీర్థ ముక్కోటి ఏర్పాట్లపై శుక్రవారం కామన్‌కమాండ్‌ కంట్రోల్‌ మీటింగ్‌ హాల్‌లో సమీక్ష నిర్వహించారు. పార్కింగ్ సమస్య దృష్ట్యా భక్తుల రాకపోకలకు ఆర్టీసీ బస్సులను మాత్రమే అనుమతించాలని నిర్ణయించారు. తిరుమల పోలీసుల సమన్వయంతో ట్రాఫిక్ నిబంధనలు రూపొందిస్తున్నారు. రామకృష్ణ తీర్థానికి వెళ్లే భక్తులకు ఆహార ప్యాకెట్ల పంపిణీ, పైప్‌లైన్ ద్వారా నీటి సరఫరాపై చర్చించారు. అదనపు ఎస్పీ మునిరామయ్య, విజీఓలు బాలిరెడ్డి, గిరిధర్, డిఎఫ్ఓ శ్రీనివాస్ తదితరులు పాల్గొన్నారు.
