అన్ని ప్రభుత్వశాఖల జిల్లా అధికారులు వారి సిబ్బంది గ్రామ వార్డు సచివాలయ సిబ్బంది తప్పనిసరిగా ముఖ ఆధారిత హాజరు సెల్ ఫోన్ ద్వారా వేయాలని జిల్లా కలెక్టర్ హిమాన్షు శుక్లా ఆదేశించారు. సోమవారం అమలాపురం కలెక్టరేట్ లో స్పందన హాల్లో నిర్వహించిన ప్రజాఫిర్యా దుల పరిష్కార వేదిక జిల్లాస్థాయి స్పందన వినతుల స్వీకరణ కార్య క్రమంలో అర్జీదారుల నుండి సుమారు 231 అర్జీలను జిల్లా కలెక్టర్ హిమాన్షు శుక్లా, జాయింట్ కలెక్టర్ ధ్యానచంద్ర, డిఆర్ఓ సిహెచ్ సత్తిబాబులు అర్జీదారుల నుండి అర్జీలు స్వీకరించారు.ఈ సంద ర్భంగా జిల్లా కలెక్టర్ మాట్లాడుతూ అర్జీదారుల నుండి అందిన అర్జీలపై క్రియాత్మకంగా స్పందించి తగు పరి ష్కార మార్గాలు సకాలంలో చూపా లని తెలిపారు. గడువు దాటిన అర్జీలు, ఒకసారి ఒక అంశంపై దాఖలు కాబడిన అర్జీ మరల పునరావతం కాకుండా పటిష్టమైన చర్యలు చేపట్టాలని ఆదేశించారు.
ప్రతి అర్జీని నిబంధనల మేరకు స్పందన వెబ్సైట్లో ఫోటోలతో సహా అప్లోడ్ చేయాలని అర్జీలపై క్షేత్రస్థాయి విచారణ సమయంలో కూడా ఫోటోలు తీసి అప్లోడ్ చేయాలన్నారు. రాష్ట్ర ప్రభుత్వ ఉద్యోగు లు, గ్రామ వార్డు సచివాలయ ఉద్యోగుల కొరకు ప్రవేశపెట్టిన ముఖ ఆధారిత హాజరును ఉదయం సాయంత్రం నిర్దేశిత సమయాలలో హాజరును తప్పనిసరిగా వేయాలని సూచించారు. ముఖ ఆధారిత హాజరు అమలు తీరుపై ఆయన జిల్లా అధికారులతో సమీక్షించారు ఐ పోలవరం మండలం ముమ్మిడివరం గ్రామానికి చెందిన దూనబోయిన శేషారావు అనే దివ్యాంగుడు ట్రై సైకిల్ ఇప్పించాలని జిల్లా కలెక్టర్ వారిన్ని అభ్యర్థించగా, ట్రై సైకిల్ ను విభిన్న ప్రతిభావంతులు వయోవృ ద్ధుల సంక్షేమ శాఖ ద్వారా ఉచి తంగా అందించారు. కాకినాడ కేంద్రంగా నిర్వహించిన రెవెన్యూ శాఖ క్రికెట్ పోటీలలో డాక్టర్ బి.ఆర్ అంబేద్కర్ కోనసీమ జిల్లా కెప్టెన్ హరి సారధ్యంలోని టీం విన్నర్ గా నిలవడంతో ఈ టీం సాధించిన కప్పును సోమవారం జిల్లాకలెక్టర్ తమ ఛాంబర్ నందు గెలుపొందిన టీం సభ్యులకు అందించారు.
జిల్లా జాయింట్ కలెక్టర్ ధ్యానచంద్ర వారు కూడా రెవెన్యూ టీం ను అభినందించారు. ఈ కార్యక్రమంలో సిపిఓ వెంకటేశ్వర్లు బీసీ వెల్ఫేర్ ఆఫీసర్ టి వెంకటేశ్వర్లు డిసి హెచ్ఎస్ పద్మశ్రీ రాణి పంచాయి తీరాజ్, గ్రామీణ నీటి సరఫరా విభాగాల ఎస్ ఈలు చంటిబాబు, కృష్ణారెడ్డి, గృహ నిర్మాణ సంస్థ పిడి ఏం బాబురావు డిఎస్ఓ ఎ.పాపా రావు, డిఎం సివిల్ సప్లయిస్ కె తులసి, డిపిఓ వి కృష్ణకుమారి డిఆర్డిఏ పిడి వి శివశంకర్ ప్రసాద్ ఏపీ డి ఎం ఎం జలాని, జిల్లా సమాచార పౌర సంబంధాల అధికారి కె. లక్ష్మీ నారాయణ, జిల్లా వ్యవసాయ అధికారి కె నాగేశ్వర రావు, పశుసంవర్ధక శాఖ జెడి డాక్టర్ ఏ జైపాల్ డ్వామా పిడి ఎస్ మధుసూదన్, మత్స్యశాఖ జేడీ షేక్ లాల్ మహమ్మద్, అసిస్టెంట్ కమిషనర్ ఆఫ్ లేబర్ నాగలక్ష్మి, గ్రామ వార్డు సచివాలయాల నోడల్ అధికారి భీమేశ్వరరావు వివిధ శాఖలకు చెందిన అధికారులు తదితరులు పాల్గొన్నారు.
