నారా లోకేష్ చేస్తున్నది పాదయాత్ర కాదని అది టీడీపీ పార్టీకి పాడే కట్టే యాత్ర అని రాష్ట్ర అధికార ప్రతినిధి కొండా రాజీవ్ గాంధీ ఎద్దేవా చేశారు. బుధవారం మద్దెలపాలెంలోని పార్టీ కార్యాలయంలో మీడియాతో మాట్లాడారు. నారాలోకేష్ యువగలం పాదయాత్రలో మాట్లాడుతూ, సీఎం జగన్ మోహన్ రెడ్డిని తాను భయపెడతాను.. భయాన్ని జగన్ కి పరిచయం చేస్తాను అనే చౌకబారు విమర్శలు లోకేష్ మానుకోవాలని సూచించారు. కేంద్రంలో యుపిఐ ప్రభుత్వం ఉండగా సాక్షాత్తు యుపిఐ ఛైర్పర్సన్, దేశంలోనే అత్యంత శక్తివంతమైన మహిళా అయిన సోనియాగాంధీ సీబీఐ , ఈడి, ఐటీ ఇవన్నీ ఉపయోగించి అక్రమ కేసులు పెట్టి 16నెలలు అన్యాయంగా జైలులో పెట్టినప్పుడే జగన్ మోహన్ రెడ్డి భయపడలేదన్నారు. అయినా ఓటుకి నోటుకేసులో అర్థరాత్రి హైదరాబాద్ నుండి పారిపోయి వచ్చిన పిరికి పందలు నారా చంద్రబాబు లోకేశ్ లు కాదా అని ప్రశ్నించారు.
