ప్రభుత్వ ఆదేశాల మేర‌కు పింఛ‌నుదారులంద‌రూ త‌ప్ప‌కుండా లైఫ్ సిర్టిఫికేట్లు స‌మ‌ర్పించాల‌ని, ఈ-కేవైసీ చేయించుకోవాల‌ని జిల్లా ఖ‌జానా అధికారి ఆర్‌.ఎస్‌. కుమార్ తెలిపారు. ఈ మేర‌కు గురువారం ఓ ప్ర‌క‌ట‌న విడుద‌ల చేశారు. హెర్బ్ యాప్ సాయంతో సంబంధిత పింఛ‌నుదారు డు త‌న సీఎఫ్ఎంఎస్ ఐడీకి ఈ-కేవైసీ చేయించుకొని సంబంధిత వివ‌రాల‌ను ఉప ఖ‌జానా అధికారికి ఆన్‌లైన్లో స‌మ‌ర్పించాల‌ని సూచించారు. ఈ ప్ర‌క్రియలో త‌న ఆధార్ నెంబ‌ర్‌కు లింకైనా మొబైల్ నెంబ‌ర్ల‌ను మాత్రమే వినియోగించాల‌ని, లేని ప‌క్షంలో ఆధార్‌కు మొబైల్ నెంబ‌ర్ను లింకు చేయించుకోవాల‌ని పేర్కొన్నారు. అలాగే జీవ‌న్ ప్రమాణ్ పోర్ట‌ల్ ద్వారా గానీ, హెచ్‌.సి.ఎం. పెన్ష‌న్ లాగిన్ ద్వారా గానీ ఫిబ్ర‌వ‌రి నెలాఖ‌రు లోగా లైఫ్ స‌ర్టిఫికేట్ల‌ను స‌మ‌ర్పించాల‌ని పేర్కొన్నారు.
