రాష్ట్ర శాస‌న‌మండ‌లిలో ఈ ఏడాది మార్చి 29వ తేదీతో ఖాళీ అవుతున్న మూడు ప‌ట్ట‌భ‌ద్రుల, రెండు ఉపాధ్యాయుల నియోజ‌క‌వ‌ర్గాల ఎమ్మె ల్సీ స్థానాల ఎన్నిక కోసం కేంద్ర ఎన్నిక‌ల సంఘం షెడ్యూలు ప్ర‌క‌టించింద‌ని జిల్లా కలెక్టర్, జిల్లా ఎన్నిక‌ల అధికారి ఏ.సూర్య‌కుమారి వెల్ల‌డిం చారు. శ్రీ‌కాకుళం, విజ‌య‌న‌గ‌రం, విశాఖ‌ప‌ట్నం జిల్లాల ప‌ట్ట‌భ‌ద్రుల ఎమ్మెల్సీ శ్రీ పి.వి.ఎన్‌.మాధ‌వ్ ప‌ద‌వీకాలం మార్చి 29వ తేదీతో ముగుస్తు న్న కార‌ణంగా ఎన్నిక‌ల సంఘం ఈ ఖాళీ భ‌ర్తీ కోసం ఎన్నిక నిర్వ‌హించేందుకు గురువారం షెడ్యూలు విడుదల చేసిన‌ట్టు పేర్కొన్నారు. కేంద్ర ఎన్నిక‌ల సంఘం విడుదల చేసిన షెడ్యూలు ప్ర‌కారం ఫిబ్ర‌వ‌రి 16న ఎన్నిక‌ల నోటిఫికేష‌న్ జారీ అవుతుంద‌ని, నామినేష‌న్ల దాఖ‌లుకు 23వ తేదీ చివ‌రిరోజుగా నిర్ణ‌యించార‌ని, 24న నామినేష‌న్ల ప‌రిశీల‌న, 27న నామినేష‌న్ల ఉప‌సంహ‌ర‌ణ‌కు చివ‌రితేదీగా నిర్ణ‌యించ‌డం జ‌రిగింద‌న్నారు.
మార్చి 13న ఉద‌యం 8 నుంచి మ‌ధ్యాహ్నం 4 గంట‌ల వ‌ర‌కు పోలింగ్ జ‌రుగుతుంద‌ని, మార్చి 16న ఓట్ల లెక్కింపు వుంటుంద‌ని పేర్కొన్నారు. ఎన్నిక‌ల షెడ్యూలు ప్ర‌క‌టించినందున ఫిబ్ర‌వ‌రి 9వ తేదీ నుంచి జిల్లాలో ఎన్నిక‌ల ప్ర‌వ‌ర్త‌న నియ‌మావ‌ళి అమ‌లులోకి వ‌చ్చింద‌ని జిల్లా కలెక్టర్ పేర్కొన్నారు. ఎన్నిక‌ల సంఘం నిర్దేశించిన మేర‌కు ప్ర‌జాప్ర‌తినిధులు, అధికారులు అంతా ఎన్నిక‌ల ప్ర‌వ‌ర్త‌న నియ‌మావ‌ళి పాటిం చాల్సి వుంటుంద‌న్నారు. కోవిడ్ నియంత్ర‌ణ చ‌ర్య‌లు పాటిస్తూ ఎన్నిక‌లు నిర్వ‌హించేందుకు త‌గిన చ‌ర్య‌లు చేప‌ట్ట‌డం జ‌రుగుతుంద‌న్నారు.
