జగనన్న శాశ్వత భూహక్కు మరియు భూరక్ష ( రీ సర్వే) పనులను వేగవంతం చేయాలని సిసిఎల్ఎ స్పెషల్ చీఫ్ సెక్రటరీ జి.సాయి ప్రసాద్ జిల్లా కలక్టర్లు , జాయింట్ కలెక్టర్లు ను ఆదేశించారు. జగనన్న శాశ్వత భూహక్కు, మరియు భూ రక్ష ( రి సర్వే), భూముల మ్యుటేషన్లు మొదలగు అంశాల ప్రగతి వివరాలపై వివిధ జిల్లాల కలెక్టర్లు, జాయింట్ కలెక్టర్లతో విజయవాడ నుంచి గురువారం ఉదయం వీడియో కాన్ఫరెన్స్ నిర్వహించారు. ఈ సంధర్బంగా సిసిఎల్ఎ స్పెషల్ చీఫ్ సెక్రటరీ జి.సాయి ప్రసాద్ మాట్లాడుతూ భూముల హద్దులు ఖచ్చితత్వం తో ఉండాలని అన్నారు . సర్వే పూర్తయిన గ్రామాల వివరాలను ఎలక్ట్రానిక్ రిజిస్టర్స్ ద్వారా కలెక్టర్లు నిర్వహించాలని పేర్కొన్నారు . మారుమూల గ్రామాలలో కూడా సర్వే చేసి హక్కు పత్రాలు ప్రజలకు అందించాలని, ఇందుకు ప్రభుత్వం పూర్తి సహకారం అందిస్తుందని అన్నారు .పెండింగ్ లో ఉన్న జగనన్న ఇంటి స్థలాల పంపిణీ ప్రక్రియ పూర్తి చేయాలన్నారు. అదేవిధంగా ఇళ్ల స్థలాల రిజిస్ట్రేషన్ సచివాలయాల ద్వారా చాలా సులభతరం చేయడమైనదని పేర్కొన్నారు. భవిష్యత్తులో ప్రజలకు ఎటువంటి వివాదాలు లేకుండా అధికారులు సంతకం చేసి, పూర్తి స్థాయిలో అప్లోడ్ చేయాలని తెలియజేశారు. ఈ వీడియో కాన్పరెన్స్ లో జిల్లా నుండి జాయింట్ కలెక్టర్ కె .ఎస్. విశ్వనాథన్ , సర్వే విభాగం సహాయ సంచాలకులు ఆర్.విజయ్ కుమార్, కె.ఆర్.ఆర్.సి స్పెషల్ డిప్యూటి కలెక్టర్ సత్య పద్మ తదితరులు పాల్గొన్నారు.
