ఏలూరు జిల్లా ద్వామా పిడిగా తూతిక శ్రీనివాస విశ్వానాథ్ ను నియమిస్తూ ప్రభుత్వం జీఓ జారీ చేసింది. ఈయన గతంలో పశ్చిమగోదావరి జిల్లా పంచాయతీ అదికారిగా, ప్రకాశంజిల్లా ఎస్సీ కార్పోరేషన్ ఈడిగానూ విశేష సేవలు అందించారు. ప్రకాశం జిల్లాలో 33 సంవత్సరాల భూమి కొనుగోలు పథకంలో దీర్ఘ కాలంగా పెండింగ్ లో ఉన్న సమస్యను పరిష్కరించి  సుమారు 3750 మంది ఎస్సీలకు చెందిన 3750 ఎకరాలను తనఖా రుణమాఫీ  కింద జీఓ 492 అమలుకు కృషిచేసి మంచి అధికారిగా  గుర్తింపు పొందారు. విశ్వనాథ్ సేవలను గుర్తించి ప్రకాశం జిల్లా అప్పటి కలెక్టర్ పోలా భాస్కర్ ప్రకాశంజిల్లా పంచాయతీ అధికారిగా అవకాశం కల్పించడంతో కోవిడ్ ఫీవర్ సర్వే నమోదులో జిల్లాను రాష్ట్రంలో మొదటి స్థానంలో నిలిపి  ప్రశంసలు అందుకున్నారు. ఉన్నత అదికారుల ఆదేశాలను అమలుచేస్తూ. ప్రభుత్వ పథకాలను ప్రజలలోకి తీసుకెళ్ళడంలో చొరవ చూపే అధికారిగా పేరున్న ఈయన ఏలూరు జిల్లా ద్వామా పిడిగా భాద్యతలు చేపట్టనున్నారు.