కాకినాడ జిల్లా పోలీసు స్పందనకు 44 ఫిర్యాదులు
Ens Balu
14
Kakinada
2023-02-20 10:37:34
కాకినాడ జిల్లాలోని ఎస్పీ కార్యాలయంలో నిర్వహించిన స్పందన కార్యక్రమానికి 44 ఫిర్యాదులు వచ్చాయని జిల్లా ఎస్పీ ఎం.రవీంధ్రనాధ్ బాబు తెలియజేశారు. ఈ సందర్భంగా ప్రజల నుంచి వచ్చిన దరఖాస్తులను ఆయా పోలీసు స్టేషన్లకు అక్కడికక్కడే బదిలీ చేసి సత్వరమే చర్యలు తీసుకోవాలని ఆదేశాలు జారీ చేశారు. పోలీసుశాఖ పరంగా ఎదరవుతున్న సమస్యలను పరిష్కరించేందుకు స్పందన వేదికను వినియోగించుకోవాలని సూచించారు. జిల్లా ఎస్పీ కార్యాలయానికి వచ్చిన ఫిర్యాదుదారులకు ఉచిత భోజన సదుపాయంను కాకినాడ రామారావుపేటకు చెందిన చార్టర్డ్ అకౌంటెంట్ డిపిఆర్ స్వామి, అక్షయ పాత్ర ఫౌండేషన్ ద్వారా ఏర్పాటు చేశారు. ఈ కార్యక్రమంలో అడిషనల్ ఎస్.పి. (అడ్మిన్) పి.శ్రీనివాస్, అదనపు ఎస్పీ(ఎఆర్) బి.సత్యనారాయణ, ఎస్.బి. డి.ఎస్.పి. ఎం.అంబికా ప్రసాద్, కాకినాడ డి.ఎస్.పి. పి. మురళీక్రిష్ణా రెడ్డి, పలువురు పట్టణ ఇన్స్పెక్టర్లు, ఎస్.ఐ. సిబ్బంది పాల్గొన్నారు
