ఎమ్మెల్సీ ఎన్నికల ప్రవర్తనా నియమావళి పటిష్టంగా అమలు చేయాలని రాష్ట్ర ప్రధాన ఎన్నికల అధికారి ముకేష్ కుమార్ మీనా అన్నారు. ఎన్నికల నిర్వహణ అంశాలపై జిల్లా కలెక్టర్లతో రాష్ట్ర ప్రధాన ఎన్నికల అధికారి సోమ వారం వీడియో కాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ ఎన్నికల ప్రవర్తనా నియమావళిపై వస్తున్న పిర్యాధులపై వెంటనే చర్యలు తీసుకోవాలని ఆయన ఆదేశించారు. ఓటరు జాబితాపై వచ్చిన క్లైమ్ లు, అభ్యంతరాలు తక్షణం పరిష్కరించాలని ఆయన పేర్కొన్ నారు. జిల్లా కలెక్టర్ నిశాంత్ కుమార్ మాట్లాడుతూ ఎన్నికలకు అన్ని ఏర్పాట్లు చేస్తున్నామన్నారు. ఓటరు జాబితాకు సంబంధించిన పెండింగ్ అంశాలు ఏమి లేవని చెప్పారు.

డూప్లికేట్ ఓటరుగా పిర్యాదులు అందిన 12 దరఖాస్తులను పరిశీలించామని, విచారణలో అర్హతలు సరిపోతాయని ఆయన చెప్పారు. ఎన్నికలకు సంబంధించిన అన్ని బృందాలను నియమించామని ఆయన అన్నారు. ఈ వీడియో కాన్ఫరెన్స్ లో ఐటిడిఎ ప్రాజెక్టు అధికారి సి. విష్ణు చరణ్, జిల్లా రెవిన్యూ అధికారి జె. వెంకట రావు, అదనపు పోలీసు సూపరింటెండెంట్ డా. ఓ.దిలీప్ కిరణ్, ఎన్నికల నోడల్ అధికారులు పాల్గొన్నారు.